Tennıs: Býblık pen Shevchenko Madrıd masters týrnırinde baq synaıdy
ASTANA. KAZINFORM — 22 sáýirde bastalatyn Madrıd (Ispanııa) masters týrnıriniń jerebesi tartyldy.
Atalmysh jarysta Qazaqstannyń birinshi, álemniń 11-raketkasy Aleksandr Býblık pen reıtıngide 82-oryndaǵy Aleksandr Shevchenko óner kórsetedi.
A.Býblık Madrıd dodasynda 8-raketka bolyp tirkelgen. Ol ekinshi aınalymda kezinde reıtıngide 3-orynǵa deıin kóterilgen, qazirgi kezde 80-satydaǵy grekııalyq Stefanos Tsıtsıpas nemese irikteý saıysy jeńimpazdarynyń birimen oınaıdy.
Ótken jyly A.Býblık Madrıdte tórtinshi aınalymǵa deıin jetken edi. Bıyl sol upaıyn qorǵaýǵa týra keledi.
Osynyń aldynda qazaqstandyq sportshy Mıýnhen (Germanııa) ATP 500 týrnıriniń alǵashqy aınalymynda-aq utylyp qalǵan edi. Bul joly sáttilik serik bola ma, ony aldaǵy oıyndar kórsetedi.
A.Shevchenko alǵashqy aınalymda álemniń 53-raketkasy, ıspanııalyq Haýme Mýnarmen kezdesedi. Odan ótse, álemniń 15-raketkasy, norvegııalyq Kasper Rýýdqa tap keledi.
Eske sala keteıik, budan buryn Elena Rybakınanyń Shtýtgart týrnıriniń eki dúrkin chempıony atanǵanyn jazǵan bolatynbyz.
Sondaı-aq 15 jastaǵy qazaqstandyq tennısshi Qytaıdaǵy týrnırde top jardy.
Beıbit Juqaev Ońtústik Koreıada negizgi týrnırge joldama aldy.
