Tennıs: Býblık pen Kýkýshkınniń Sankt-Peterbýrg týrnırindegi qarsylastary anyqtaldy
NUR-SULTAN. QazAqparat – Qazaqstandyqtar Aleksandr Býblık pen Mıhaıl Kýkýshkınniń Sankt-Peterbýrg ATR 500 týrnırindegi qarsylastary anyqtaldy, dep habarlaıdy QazAqparat tilshisi.
Júlde qory 1,4 mln AQSh dollaryna jýyqtaıtyn iri jarys 12-18 qazan aralyǵynda ótedi.
Qazaqstannyń birinshi, álemniń 49-raketkasy Aleksandr Býblık alǵashqy aınalymda reıtıngte 236-orynda turǵan amerıkalyq Makkenzı Makdonaldpen kezdesedi.
Reıtıngte 88-satydaǵy Mıhaıl Kýkýshkın álemniń 41-raketkasy, serbııalyq Mıomır Ketsmanovıchpen sheberlik baıqasady.
Budan 10 jyl buryn M.Kýkýshkın osy dodanyń jeńimpazy atanǵan bolatyn.
Ótken jyly úzdik shyqqan álemniń 5-raketkasy, reseılik Danııl Medvedev bıyl sol ataǵyn qorǵaıdy. Týrnırde sondaı-aq kanadalyq Denıs Shapovalov, reseılikter Andreı Rýblev, Karen Hachanov syndy myqty tennısshiler óner kórsetedi.
Eske sala keteıik, budan buryn qazaqstandyqtar G.Aınıtdınova men J.Qulambaevanyń Mysyrdaǵy týrnırde jeńimpaz atanǵanyn, Parıjde 19 jastaǵy tennısshiniń Rolan Garros jarysynyń chempıony bolǵanyn jazǵan edik.
