Tennıs: Býblık pen Kýkýshkın juby Aýstralııa chempıonatynyń úshinshi aınalymyna ótti
NUR-SULTAN. QazAqparat - Qazaqstandyqtar Aleksandr Býblık pen Mıhaıl Kýkýshkın juptyq synda Aýstralııa ashyq chempıonatynyń úshinshi aınalymyna ótti, dep habarlaıdy QazAqparat tilshisi.
Qazaqstandyq jup ekinshi aınalymda ońtústikkoreıalyqtar Djı Sýn Nam men Mın-Kıý Songpen kúsh synasty.
Birinshi partııa taı-breıkke deıin jetip, onda ońtústikkoreıalyq juptyń joly boldy - 7:6 (7:3).
Esesine odan keıin Býblık pen Kýkýshkın eki sette 6:4, 7:5 esebimen jeńiske jetti.
Tartysty báseke 2 saǵat 14 mınýtqa sozyldy.
Qazaqstandyqtar úshinshi aınalymda amerıkalyqtar Stıv Djonson men Sem Kýerrı nemese ulybrıtanııalyqtar Djeımı Marreı men Nıl Skýpskıdiń qaı jeńgenimen kortqa shyǵady.
Eske sala keteıik, budan buryn Zarına Dııas pen Elena Rybakınanyń juptyq synda ekinshi aınalymǵa shyqqanyn jazǵan bolatynbyz.
