Tennıs: Býblık pen Golýbev juptyq synda Melbýrndaǵy týrnırdiń shırek fınalyna ótti
NUR-SULTAN. QazAqparat – Qazaqstandyqtar Aleksandr Býblık pen Andreı Golýbev juptyq synda Melbýrndaǵy ATP 250 Great Ocean Road Open týrnıriniń shırek fınalyna ótti, dep habarlaıdy QazAqparat tilshisi.
Jarystyń 8-raketkasy bolyp tirkelgen qazaqstandyqtar birden ekinshi aınalymǵa ótti.
Olar búgin ekinshi aınalymda serbııalyq Mıomır Ketsmanovıch – reseılik Karen Hachanovpen kezdesýi kerek edi. Alaıda serbııalyq-reseılik jup bul oıynǵa kelmeı qaldy da, A.Býblık pen A.Golýbev shırek fınalǵa ótti.
Qazaqstandyqtar jartylaı fınalǵa shyǵý úshin osy dodanyń 2-raketkalary, ulybrıtanııalyq Djeımı Marreı – brazılııalyq Brýno Soarespen talasady.
Býblık pen Golýbev juptyq synda 8 aqpanda bastalatyn Aýstralııa ashyq chempıonatynda da baq synaıdy.
Eske sala keteıik, budan buryn Aýstralııa ashyq chempıonatynda qazaqstandyq tennısshilerdiń qarsylasy anyqtalǵanyn, Aleksandr Nedovesovtiń Antalııa týrnıriniń fınalyna shyqqanyn jazǵan bolatynbyz.
