Tennıs: Býblık pen Golýbev Rolan Garros týrnıriniń úshinshi aınalymyna shyqty
NUR-SULTAN. QazAqparat – Qazaqstandyqtar Aleksandr Býblık pen Andreı Golýbev juptyq synda Parıjde ótip jatqan Rolan Garros týrnıriniń úshinshi aınalymyna shyqty, dep habarlaıdy QazAqparat tilshisi.
Qazaqstandyq jup ekinshi aınalymda Frantsııa ashyq chempıonatynyń 5-raketkalary, horvatııalyq Ivan Dodıg – slovakııalyq Fılıp Polashekpen kúsh synasty.
Birinshi partııada A.Býblık pen A.Golýbev taı-breıkte ábjildik tanytty – 7:6 (7:5).
Ekinshi sette tipti aıqyn basymdylyq kórsetti – 6:1.
Báseke 1 saǵat 21 mınýtqa sozyldy.
A.Býblık pen A.Golýbev «Úlken dýlyǵa» dodasynyń shırek fınalyna shyǵý úshin osy jarystyń 11-raketkalary, nıderlandylyqtar Ýes Kolhof – Jan-Jıýlen Roıer nemese germanııalyq Domınık Kepfer – fınlıandııalyq Emıl Rýýsývýorı juptarynyń qaı jeńgenimen talasady.
Eske sala keteıik, budan buryn ıÝlııa Pýtıntsevanyń juptyq synda Rolan Garros týrnıriniń ekinshi aınalymyna ótkenin, Elena Rybakınanyń alǵash ret úshinshi aınalymǵa shyqqanyn jazǵan bolatynbyz.
Sondaı-aq qazaqstandyq tennısshiler juptyq básekelerin sátti ótkizýde.