Tennıs: Býblık pen Golýbev Rolan Garros týrnıriniń shırek fınalyna shyqty
NUR-SULTAN. QazAqparat - Qazaqstandyqtar Aleksandr Býblık pen Andreı Golýbev juptyq synda Rolan Garros týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq jup úshinshi aınalymda Frantsııa ashyq chempıonatynyń 11-raketkalary, nıderlandylyqtar Ýes Kolhof - Jan-Jıýlen Roıermen kezdesti.
Birinshi partııada Býblık pen Golýbev taı-breıkte aıqyn basymdylyq kórsetti - 7:6 (7:2).
Ekinshi sette nıderlandylyqtar breık jasap, sony saqtap qaldy - 6:3.
Úshinshi, sheshýshi partııany qazaqstandyqtar breıkpen bastady - 2:0. Aqyry osy basymdylyqty ýysynan shyǵarǵan joq - 6:4.
Tartysty báseke 2 saǵat 10 mınýtqa sozyldy.
Osylaısha qazaqstandyq jup el tennısi tarıhynda tuńǵysh ret Frantsııa ashyq chempıonatynyń shırek fınalyna shyǵyp otyr.
A.Býblık pen A.Golýbev «Úlken dýlyǵa» týrnıriniń jartylaı fınalyna shyǵý úshin monakolyq Hıýgo Nıs - germanııalyq Tım Pıýts nemese taǵy bir monakolyq Romen Arneodo - frantsııalyq Benýa Per juptarynyń qaı jeńgenimen talasady.
Eske sala keteıik, budan buryn Elena Rybakınanyń juptyq synda Rolan Garros týrnıriniń úshinshi aınalymyna ótkenin, J.Qulambaeva men G.Lomakınniń Shymkentte ozyq shyqqanyn jazǵan bolatynbyz.
