Tennıs: Býblık Parıjdegi masters týrnırinde utylyp qaldy
NUR-SULTAN. QazAqparat – Qazaqstannyń birinshi, álemniń 49-raketkasy Aleksandr Býblık Parıjdegi masters týrnıriniń alǵashqy aınalymynan asa almady, dep habarlaıdy QazAqparat tilshisi.
A.Býblık álemniń 32-raketkasy, ıtalııalyq Lorentso Sonegomen sheberlik baıqasty.
Budan buryn L.Sonego Parıjde ótken Frantsııa ashyq chempıonatynda A.Býblıkti úsh partııada tize búktirgen bolatyn.
Bul joly da ıtalııalyq tennısshi sheberligi basym ekendigin tanytyp, eki sette 6:1, 6:4 esebimen jeńiske jetti.
Báseke bir saǵattaı ýaqytqa sozyldy.
L.Sonego ekinshi aınalymda aýstralııalyq Aleks de Mınormen kezdesedi.
Eske sala keteıik, budan buryn Djon Mıllmannyń qonaqjaılylyq kórsetken qazaqstandyqtarǵa rızashylyǵyn bildirgenin jazǵan bolatynbyz.
