Tennıs: Býblık Nıýport týrnırin sátti bastady
NUR-SULTAN. QazAqparat – Qazaqstandyq tennısshi Aleksandr Býblık Nıýport (AQSh) ATP týrnırin sátti bastady, dep habarlaıdy QazAqparat tilshisi.
Dúnıejúzilik reıtıngte 83-orynda turǵan A.Býblık alǵashqy aınalymda álemniń 150-raketkasy, aýstralııalyq Aleks Boltpen sheberlik baıqasty.
Osy týrnırdiń 7-raketkasy bolyp tirkelgen qazaqstandyq tennısshi 6:4, 2:6, 7:6 (7:4) esebimen jeńiske jetti.
Tartysty match eki saǵatqa jýyq ýaqytqa sozyldy.
Kógal tósenishinde ótip jatqan dodanyń ekinshi aınalymynda A.Býblık reıtıngte 167-oryndaǵy serbııalyq Vıktor Troıtskı nemese álemniń 127-raketkasy, taıbeılik Djeıson Djangtiń bireýimen kezdesedi.
Nıýport týrnıri 21 shildede márege jetedi.
Eske sala keteıik, budan buryn Elena Rybakınanyń Býharest týrnırin jeńispen bastaǵanyn, Denıs Evseevtiń Nur-Sultan jarysynyń ekinshi aınalymyna shyqqanyn jazǵan bolatynbyz.
