Tennıs: Býblık Monterreı týrnıriniń jartylaı fınalyna shyqty
NUR-SULTAN. QazAqparat - Qazaqstandyq tennısshi Aleksandr Býblık Monterreı chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Dúnıejúzilik reıtıngte 120-orynda turǵan 21 jasar A.Býblık shırek fınalda álemniń 91-raketkasy, ıspanııalyq, 1981 jylǵy Felısıano Lopespen kúsh synasty.
Tartysty ótken birinshi sette qazaqstandyq tennısshi 7:6 (7:5) esebimen jeńiske jetti.
Ekinshi partııany A.Býblık 6:3 esebimen aıaqtady.
Báseke 1 saǵat 10 mınýtqa sozyldy.
Aleksandr Býblık fınalǵa shyǵý úshin taǵy bir tájirıbeli tennısshi, 1991 jylǵy amerıkalyq, álemniń 93-raketkasy Tennıs Sandgrenmen kortqa shyǵady.
Bir qyzyǵy, jýyrda Maıamı týrnıriniń alǵashqy aınalymynda A.Býblık T.Sandgrenmen sheberlik baıqasyp, asa tartysty básekede ony 5:7, 6:4, 7:5 esebimen utqan bolatyn.
Maıamıde irikteý saıystaryn sátti ótkizip, negizgi týrnırdiń ekinshi aınalymyna deıin jetýine baılanysty qazaqstandyq tennısshi reıtıngte 131-den 120-satyǵa deıin kóterilgen edi.
Eske sala keteıik, budan buryn Aleksandr Býblıktiń Monterreı chellendjer týrnırin sátti bastap, shırek fınalǵa shyqqanyn jazǵan bolatynbyz. Qazaqstannyń birinshi, álemniń 44-raketkasy Mıhaıl Kýkýshkın Marrakesh (Marokko) týrnırine qatyspaıtyn boldy.
Áıelder arasynda Zarına Dııas Monterreı týrnıriniń (júlde qory - 250 myń AQSh dollary) ekinshi aınalymyna shyqqanymen, kelesi kezdesýinde utylyp qaldy.
