Tennıs: Býblık Monterreı týrnırin sátti bastady
NUR-SULTAN. QazAqparat - Qazaqstandyq tennısshi Aleksandr Býblık Monterreı (Meksıka) chellendjer týrnırin sátti bastady, dep habarlaıdy QazAqparat tilshisi.
Álemdik reıtıngte 120-orynda turǵan qazaqstandyq sportshy osy jarystyń 7-raketkasy bolyp tirkelip, ekinshi aınalymnan qosyldy.
A.Býblık reıtıngte 194-oryndaǵy serbııalyq Pedja Krshtınmen kúsh synasty.
Birinshi partııada bet qaratpaǵan serbııalyq sportshy 6:1 esebimen jeńiske jetti. Degenmen sodan keıin Aleksandr oıyn tizginin qolyna ala bildi.
Qalǵan eki sette A.Býblık 6:3, 6:4 esebimen qarsylasynyń meselin qaıyrdy.
Birshama tartysty ótken kezdesý 1 saǵat 33 mınýtqa sozyldy.
Aleksandr Býblık shırek fınalǵa shyǵý úshin álemniń 171-raketkasy, amerıkalyq Mıtchell Krıýgermen talasady.
Eske sala keteıik, budan buryn Zarına Dııastyń Monterreı týrnıriniń ekinshi aınalymyna shyqqanyn jazǵan bolatynbyz.
Ol Aýstralııa ashyq chempıonatynyń eki márte jeńimpazy, Belarýs eliniń belgili ókili, álemniń 67-raketkasy Vıktorııa Azarenkomen shırek fınal joldamasyn sarapqa salady.
