Tennıs: Býblık Monte-Karlo masters týrnırinde jeńilip qaldy
NUR-SULTAN. QazAqparat – Qazaqstannyń birinshi, álemniń 42-raketkasy Aleksandr Býblık Monte-Karlo (Monako) masters týrnıriniń ekinshi aınalymyna shyǵa almady, dep habarlaıdy QazAqparat tilshisi.
A.Býblık júlde qory 2 mln eýrodan asatyn iri dodanyń alǵashqy aınalymynda álemniń 53-raketkasy, 34 jastaǵy frantsııalyq Jeremı Shardımen kezdesti.
12 sáýir kúni birinshi partııada esep 5:4 bolyp, J.Shardı jeńip jatqan mezette jańbyrǵa baılanysty match keıinge qaldyryldy.
Búgin jalǵasqan oıynda áýeli frantsııalyq tennısshi basymdylyq kórsetti – 6:4.
Ekinshi sette qazaqstandyq sportshy qarsylasyna birde-bir geım bergen joq – 6:0.
Sheshýshi, úshinshi partııada tájirıbeli frantsýz jeńisti julyp aldy – 7:5.
Báseke 1 saǵat 41 mınýtqa sozyldy.
Budan buryn A.Býblık Maıamıdegi masters týrnırinde barynsha tabysty óner kórsetip, shırek fınalǵa deıin jetken bolatyn. Bul joly alǵashqy aınalymnan asa almaı qaldy.
Eske sala keteıik, budan buryn Devıs kýbogynyń toptyq kezeńinde Qazaqstannyń Madrıdte oınaıtynyn jazǵan bolatynbyz.
