Tennıs: Býblık Melbýrn týrnıriniń shırek fınalyna shyǵa almady
NUR-SULTAN. QazAqparat – Qazaqstannyń birinshi, álemniń 45-raketkasy Aleksandr Býblık Melbýrnda ótip jatqan ATP 250 Great Ocean Road Open týrnıriniń shırek fınalyna shyǵa almady, dep habarlaıdy QazAqparat tilshisi.
Qazaqstandyq tennısshi úshinshi aınalymda reıtıngte 71-orynda turǵan ıtalııalyq Stefano Travalıamen kúsh synasty.
Birinshi partııada ıtalııalyq tennısshiniń aıqyn basymdylyǵy baıqaldy – 6:1.
Ekinshi sette esesine A.Býblık breıkpen alǵa ketti. Áıtse de esep 5:4 bolyp, setke dop bergende, sol múmkindigin paıdalana almady. Jeńis S.Travalıanyń enshisinde ketti – 7:5.
Báseke 1 saǵat 6 mınýtqa sozyldy.
S.Travalıa shırek fınalda álemniń 29-raketkasy, Polsha ókili Hýbert Gýrkach nemese reıtıngte 70-satydaǵy ýrýgvaılyq Pablo Kýevastyń bireýimen sheberlik baıqasady.
Endi A.Býblık 8 aqpanda bastalatyn Aýstralııa ashyq chempıonatynda baq synaıdy.
Eske sala keteıik, budan buryn Aýstralııa ashyq chempıonatynyń keıinge qaldyrylmaıtynyn, Aleksandr Nedovesovtiń Antalııa týrnıriniń jartylaı fınalyna shyqqanyn jazǵan bolatynbyz.
