Tennıs: Býblık Meksıkadaǵy týrnırdiń jartylaı fınalyna shyqty
NUR-SULTAN. QazAqparat - Qazaqstandyq tennısshi Aleksandr Býblık Meksıkadaǵy Leon chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Álemniń 98-inshi, osy týrnırdiń 1-raketkasy bolyp tirkelgen 21 jasar A.Býblık shırek fınalda ekvadorlyq, dúnıejúzilik reıtıngte 207-satyda turǵan Roberto Kýırospen kezdesti.
Qazaqstandyq tennısshi birinshi partııany 6:4 esebimen utty.
Ekinshi sette de taı-breıkte basym tústi - 7:6 (7:3).
Báseke 1 saǵat 15 mınýtqa sozyldy.
A.Býblık fınalǵa shyǵý úshin álemniń 334-raketkasy, ulybrıtanııalyq Lıam Brodımen talasady.
Eske sala keteıik, budan buryn A.Býblıktiń Meksıkadaǵyy týrnırdi sátti bastap, sosyn shırek fınalyna shyqqanyn jazǵan bolatynbyz.
Áıelder arasynda Elena Rybakına Ystanbuldyń negizgi týrnırine joldama alyp, sodan keıin ekinshi aınalymǵa, shırek fınalyna shyqty. Degenmen jartylaı fınalǵa óte almaı qaldy.
Sondaı-aq qos qazaqstandyq tennısshi Rabat (Marokko) týrnıriniń irikteý saıysynda baq synaıdy. Tájirıbeli tennısshi Galına Voskoboeva álemniń 122-raketkasy, belgııalyq Isalın Bonavantıýrmen kortqa shyǵady. Al reıtıngte 373-satyda turǵan Anna Danılına álemniń 211-raketkasy, aýstralııalyq Zoı Haıvspen sheberlik baıqasady.
