Tennıs: Býblık Meksıkadaǵy týrnırdiń shırek fınalyna shyqty
NUR-SULTAN. QazAqparat - Qazaqstandyq tennısshi Aleksandr Býblık Meksıkadaǵy Leon chellendjer týrnıriniń shırek fınalyna shyqty, dep habarlaıdy QazAqparat tilshisi.
Týrnırdiń 1-raketkasy, álemdik reıtıngte 98-raketkasy A.Býblık ekinshi kezdesýnde reıtıngte 295-satyda turǵan serbııalyq Danılo Petrovıchpen kúsh synasty.
Tartysty órbigen birinshi partııada qazaqstandyq tennısshi 7:6 (7:0) esebimen jeńiske jetti.
Ekinshi set te A.Býblıktiń esebine jazyldy - 7:5.
Match 1 saǵat 23 mınýtqa sozyldy.
A.Býblık jartylaı fınalǵa shyǵý úshin álemniń 207-raketkasy, ekvadorlyq Roberto Kýırospen sheberlik baıqasady.
Eske sala keteıik, budan buryn A.Býblıktiń Meksıkadaǵy týrnırdi sátti bastaǵanyn jazǵan bolatynbyz.
Al Qazaqstannyń birinshi, álemniń 40-raketkasy Mıhaıl Kýkýshkın Býdapesht týrnıriniń ekinshi aınalymyna óte almady.
Al áıelder arasynda qazaqstandyq Elena Rybakına Ystanbuldyń negizgi týrnırine joldama alyp, odan keıin ekinshi aınalymǵa ótip, shırek fınalǵa shyqty.
Ol búgin álemniń 47-raketkasy, tájirıbeli chehııalyq tennısshi Barbora Strytsovamen kortqa shyǵady.
