Tennıs: Býblık Meksıkadaǵy týrnırdiń negizgi kezeńine joldama aldy
ASTANA. QazAqparat - Qazaqstandyq Aleksandr Býblık Akapýlko (Meksıka) jarysynyń negizgi týrnırine joldama aldy, dep habarlaıdy «QazAqparat» tilshisi.
Aleksandr Býblık Meksıka ashyq chempıonaty bolyp esepteletin týrnırdiń irikteý saıysynda aldymen AQSh eliniń ókili Maıkl Mmo-ny 6:4, 1:6, 6:1 esebimen utty. Sodan keıin fınalda japonııalyq Taro Denıeldi 6:4, 7:6 (7:4) esebimen tize búktirdi. T.Denıel osy irikteý saıysynyń 1-raketkasy bolyp tirkelgen edi.
Júlde qory 1,6 mln AQSh dollarynan asatyn Akapýlko týrnırinde 1-raketka bolyp dúnıejúzilik reıtıngte shveıtsarııalyq Rodjer Federerden keıin ekinshi orynda turǵan ataqty ıspanııalyq tennısshi Rafael Nadal tirkelgen. Sondaı-aq germanııalyq Aleksandr Zverev, avstralııalyq Domınık Tım jáne basqa belgili sportshylar baq synaıdy. Týrnırdiń ótken jylǵy jeńimpazy - amerıkalyq Sem Kýerrı.
Jarys 3 naýryz kúni márege jetedi.
Aıta keteıik, A.Býblık búgin jańartylǵan álemdik reıtıngte 11 satyǵa syrǵyp, 142-inshi orynǵa túsip qaldy. Eger Meksıka týrnırinde sátti óner kórsetse, reıtıngisi joǵarylaıtyn bolady.
