Tennıs: Býblık Meksıkadaǵy týrnırdiń fınalyna shyǵa almady
NUR-SULTAN. QazAqparat - Qazaqstandyq tennısshi Aleksandr Býblık Meksıkadaǵy Leon chellendjer týrnıriniń fınalyna shyǵa almady, dep habarlaıdy QazAqparat tilshisi.
Álemniń 98-inshi, osy týrnırdiń 1-raketkasy bolyp tirkelgen qazaqstandyq tennısshi jartylaı fınalda ulybrıtanııalyq, dúnıejúzilik reıtıngte 334-satyda turǵan Lıam Brodımen kezdesti.
Birinshi partııa 6:2 esebimen L.Brodıdiń paıdasyna sheshildi. Sodan keıin A.Býblık jarysty jalǵastyrýdan bas tartty.
L.Brodı fınalda álemniń 263-raketkasy, slovenııalyq Blaj Rolamen chempıondyq ataqty sarapqa salady.
Eske sala keteıik, budan buryn A.Býblıktiń Meksıkadaǵy týrnırdi sátti bastap, sosyn shırek fınalyna shyqqanynjazǵan bolatynbyz.
Áıelder arasynda Elena Rybakına Ystanbuldyń negizgi týrnırine joldama alyp, sodan keıin ekinshi aınalymǵa, shırek fınalyna shyqty. Degenmen jartylaı fınalǵa óte almaı qaldy.
Qazaqstandyqtar Galına Voskoboeva men Anna Danılına Rabat (Marokko) týrnıriniń irikteý saıysyna qatysty. G.Voskoboeva álemniń 122-raketkasy, belgııalyq Isalın Bonavantıýrdan utylyp qaldy. Reıtıngte 373-satyda turǵan A.Danılına álemniń 211-raketkasy, aýstralııalyq Zoı Haıvsty 7:6 (7:2), 6:4 esebimen tize búktirdi. Endi ol irikteý saıysynyń fınalyna shyǵý úshin álemniń 119-raketkasy, serbııalyq Olga Danılovıchpen sheberlik baıqasady.
