Tennıs: Býblık Meksıkadaǵy týrnırdi jeńispen bastady
NUR-SULTAN. QazAqparat - Qazaqstandyq tennısshi Aleksandr Býblık Meksıkadaǵy San-Lýıs Potosı chellendjer týrnırin jeńispen bastady, dep habarlaıdy QazAqparat tilshisi.
Osy týrnırdiń birinshi, álemniń 100-raketkasy A.Býblık alǵashqy kezdesýin dúnıejúzilik reıtıngte 322-orynda turǵan amerıkalyq Kevın Kıngpen ótkizdi.
Bul matchta qazaqstandyq tennısshi 6:4, 6:3 esebimen eki partııada jeńiske jetti.
A.Býblık shırek fınalǵa shyǵý úshin reıtıngte 480-satydaǵy brazılııalyq Pedro Sakamotomen sheberlik baıqasady.
Eske sala keteıik, budan buryn M.Kýkýshkınniń Monte-Karlo týrnırin sátti bastaǵanymen, úshinshi aınalymǵa shyǵa almaǵanyn jazǵan bolatynbyz.
