Tennıs: Býblık Meksıka ashyq chempıonatynda jeńilip qaldy
ASTANA. QazAqparat - Qazaqstandyq Aleksandr Býblık Akapýlko (Meksıka) qalasynda ótip jatqan Meksıka ashyq chempıonatynda aýstralııalyq Tanası Kokkınakıspen kúsh synasty, dep habarlaıdy «QazAqparat» tilshisi.
A.Býblık dúnıejúzilik reıtıngte 142-inshi, al aýstralııalyq tennısshi 199-ynshy orynda turǵan bolatyn. Soǵan qaramastan, T.Kokkınakıs sheberlik tanytyp, 1 saǵat 10 mınýtqa sozylǵan matchta 6:4, 6:3 esebimen jeńiske jetti.
Osylaısha júlde qory 1,6 mln AQSh qorynan asatyn Akapýlko týrnırinde A.Býblık alǵashqy aınalymnan asa almady. Ol negizgi týrnırge irikteý saıystarynan keıin qosylǵan bolatyn.
Eske sala keteıik, Qazaqstannyń birinshi, álemniń 88-inshi raketkasy Mıhaıl Kýkýshkın de Dýbaı týrnırindegi birinshi kezdesýinde grekııalyq Stefanos Tsıtsıpastan jeńilip qalǵan bolatyn.
Foto: www.eurosport.ru
