Tennıs: Býblık Maıamıdiń negizgi týrnırine ótti
ASTANA. QazAqparat - Qazaqstandyq tennısshiAleksandr Býblık Maıamıde (AQSh) negizgi týrnırge joldama aldy, dep habarlaıdy QazAqparat tilshisi.
Qazaqstandyq tennısshi irikteý saıysynyń fınalynda ulybrıtanııalyq Denıel Evanspen kúsh synasty.
A.Býblık dúnıejúzilik reıtıngte 131-orynda bolsa, qarsylasy 97-satyda.
Qazaqstandyq sportshy D.Evanstan birinshi partııada 6:4 esebimen basym tústi.
Ekinshi sette esep 5:4 bolǵan mezette A.Býblık breık jasaı bildi - 6:4.
Báseke bir jarym saǵatqa jýyq ýaqytqa sozyldy.
Osylaısha, 21 jastaǵy A.Býblık júlde qory 8,3 mln AQSh dollarynan asatyn Maıamı týrnıriniń negizgi jarysyna joldama alady. Budan buryn chellendjer týrnırlerinde jeńiske jetip júrgen Aleksandr Býblık úshin bul jaqsy nátıje deýge bolady. Endi ol negizgi týrnırde sátti óner kórsetse, reıtıngte joǵarylaı túseri anyq.
Qazirgi kezde Qazaqstannyń birinshi, álemniń 43-raketkasy Mıhaıl Kýkýshkın negizgi týrnırde argentınalyq, reıtıngte 80-oryndaǵy Gvıdo Andreotstsımen sheberlik baıqasýda.
Áıelder arasynda Qazaqstannyń birinshi, álemniń 44-raketkasy ıÝlııa Pýtıntseva alǵashqy aınalymda belgııalyq, reıtıngte 56-orynda turǵan Kırsten Flıpkenspen kezdesýde.
Taǵy bir qazaqstandyq, álemniń 92-raketkasy Zarına Dııas irikteý saıystarynan asa almady.
Eske sala keteıik, budan buryn Mıhaıl Kýkýshkınniń AQSh-taǵy Fınıks týrnıriniń fınalynda ese jibergenin, al A.Býblıktiń Maıamıde irikteý saıysyn sátti bastaǵanyn jazǵan bolatynbyz.
