Tennıs: Býblık Maıamı týrnıriniń irikteý saıysyn sátti bastady
ASTANA. QazAqparat - Qazaqstandyq tennısshi Aleksandr Býblık Maıamı týrnıriniń irikteý saıysyn sátti bastady, dep habarlaıdy QazAqparat tilshisi.
Qazaqstandyq tennısshi jartylaı fınalda lıtvalyq Rıchardas Bırankıspen kúsh synasty.
A.Býblık dúnıejúzilik reıtıngte 131-orynda bolsa, qarsylasy 82-satyda edi. Soǵan qaramastan, Aleksandr match barysynda tarazy basyn ózine aýdara bilip, 7:5, 6:2 esebimen jeńiske jetti.
Báseke saǵat jarymǵa sozyldy.
A.Býblık endi irikteý saıysynyń fınalynda álemniń 97-raketkasy, ulybrıtanııalyq Denıel Evanspen kúsh synasady. Ony jeńse, júlde qory 8,3 mln AQSh dollarynan asatyn negizgi týrnırge joldama alady.
Qazaqstannyń birinshi, álemniń 43-raketkasy Mıhaıl Kýkýshkın negizgi týrnırde argentınalyq, reıtıngte 80-oryndaǵy Gvıdo Andreotstsımen kortqa shyǵady.
Áıelder arasynda Maıamı týrnırinde irikteý saıysynyń jartylaı fınalynda qazaqstandyq, álemniń 92-raketkasy Zarına Dııas, ókinishke qaraı, Polsha eliniń ókili, reıtıngte 121-oryndaǵy Iga Sventekten jeńilip qaldy. Qazaqstannyń birinshi, álemniń 44-raketkasy ıÝlııa Pýtıntseva jarysty negizgi týrnırden bastap, alǵashqy aınalymda belgııalyq, reıtıngte 56-orynda turǵan Kırsten Flıpkenspen sheberlik baıqasady.
Eske sala keteıik, budan buryn Mıhaıl Kýkýshkın AQSh-taǵy Fınıks týrnıriniń fınalynda ese jibergen edi.
