Tennıs: Býblık Maıamı týrnıriniń ekinshi aınalymyna shyqty
ASTANA. QazAqparat - Qazaqstandyq tennısshi Aleksandr Býblık Maıamı týrnıriniń alǵashqy aınalymynda amerıkalyq Tennıs Sandgrenmen kezdesti, dep habarlaıdy QazAqparat tilshisi.
Negizgi týrnırge irikteý saıystaryn sátti ótkizip, joldama alǵan 21 jasar A.Býblık dúnıejúzilik reıtıngte 131-orynda bolsa, 1991 jylǵy tájirıbeli qarsylasy 91-satyda edi.
Birinshi partııada amerıkalyq sportshy 7:5 esebimen basymdylyq kórsetti.
Ekinshi sette qazaqstandyq tennısshi 6:4 esebimen ese qaıyrdy.
Úshinshi, sheshýshi partııa áldeqaıda tartysty órbidi. Esep 6:5 bolǵan mezette amerıkalyq tennısshi matchbolyn paıdalana almady. Aqyry match taǵdyry taı-breıkte sheshildi - 6:6. Munda qazaqstandyq tennısshi basym tústi - 7:5.
Kezdesý barysynda A.Býblık 15 márte eıs jasasa, qarsylasy jeteýmen shekteldi.
Báseke eki saǵattan astam ýaqytqa sozyldy.
Qazaqstandyq sportshy ekinshi aınalymda álemniń 33-raketkasy, aýstralııalyq Nık Kırospen kortqa shyǵady.
Eske sala keteıik, budan buryn A.Býblıktiń Maıamıde irikteý saıysyn sátti bastap, negizgi jarysqa joldama alǵanyn, al ıÝlııa Pýtıntsevanyń alǵashqy kezdesýinde jeńiske jetkenin jazǵan bolatynbyz.
ıÝ.Pýtıntseva ekinshi aınalymda álemniń 20-raketkasy, shveıtsarııalyq Belınde Benchıchpen sheberlik baıqasady.
