Tennıs: Býblık London týrnıriniń alǵashqy aınalymynan asa almady
NUR-SULTAN. QazAqparat - Qazaqstandyq tennısshi Aleksandr Býblık London ATP týrnıriniń alǵashqy aınalymynan asa almady, dep habarlaıdy QazAqparat tilshisi.
Dúnıejúzilik reıtıngte 85-orynda turǵan A.Býblık álemniń 23-raketkasy, argentınalyq Dıego Shvartsmanmen sheberlik baıqasty.
Argentınalyq sportshy birinshi partııada 6:2 esebimen basymdylyq tanytsa, ekinshi sette de esesin jibermedi - 6:3.
Báseke bir saǵatqa jýyq ýaqytqa sozyldy.
Osylaısha A.Býblık óziniń týǵan kúninde utylyp qaldy. Ol júlde qory 2 mln eýrodan asatyn Londonnyń negizgi týrnırine irikteý saıystary arqyly joldama alǵan bolatyn.
Qazaqstannyń birinshi, álemniń 47-raketkasy Mıhaıl Kýkýshkın Londondaǵy bastapqy kezdesýin erteń reıtıngte 65-oryndaǵy frantsııalyq Jeremı Shardımen ótkizedi.
Ulybrıtanııada sonymen qatar áıelder arasynda júlde qory 1 mln AQSh dollarynan asatyn Bırmıngem WTA týrnıri de ótip jatyr. Qazaqstannyń birinshi, álemniń 43-raketkasy ıÝlııa Pýtıntseva erteń alǵashqy aınalymda reıtıngte 157-satydaǵy kort ıesi Herrıet Dartpen oınaıdy.
Eske sala keteıik, budan buryn Aleksandr Býblıktiń Londonda negizgi týrnırge joldama alǵanyn, Zarına Dııastyń Manchester jarysynyń fınalynda utylyp qalǵanymen, álemdik reıtıngte 89-orynǵa kóterilgenin jazǵan bolatynbyz.
