Tennıs: Býblık Gambýrgte negizgi týrnırge óte almady
NUR-SULTAN. QazAqparat – Qazaqstannyń birinshi, álemniń 56-raketkasy Aleksandr Býblık Gambýrg ATP jarysynda jeńilip qaldy, dep habarlaıdy QazAqparat tilshisi.
A.Býblık irikteý saıystarynyń fınalynda reıtıngte ózinen úsh saty tómen turǵan amerıkalyq Tommı Polmen kezdesti.
Amerıkalyq tennısshi 6:4, 6:4 esebimen eki sette jeńiske jetti.
Báseke 1 saǵat 7 mınýtqa sozyldy.
Osylaısha A.Býblık júlde qory 1,7 mln eýrodan asatyn Gambýrg dodasynyń negizgi týrnırine shyǵa almaı qaldy.
Eske sala keteıik, budan buryn E.Rybakına men Z.Dııastyń Strasbýrg týrnırinde oınaıtynyn jazǵan bolatynbyz.
Búgin Qazaqstannyń birinshi, álemniń 18-raketkasy Elena Rybakınanyń qarsylasy anyqtaldy. Ol alǵashqy aınalymda reıtıngte 110-orynda turǵan belgııalyq Grete Mınnenmen kúsh synasady. G.Mınnen irikteý saıystarynyń fınalynda chehııalyq Mıhaela Baıerlovany 6:2, 6:2 esebimen utty.
