Tennıs: Býblık Frantsııadaǵy týrnırdiń shırek fınalyna shyqty
ASTANA. QazAqparat - Qazaqstandyq tennısshi Aleksandr Býblık Frantsııada ótip jatqan Raý chellendjer týrnıriniń shırek fınalyna shyqty, dep habarlaıdy QazAqparat tilshisi.
Osy týrnırdiń 4-raketkasy bolyp tirkelgen, álemdik reıtıngte 153-oryndaǵy, 21 jasar A.Býblık úshinshi aınalymda ulybrıtanııalyq, 272-satyda turǵan ıAn Choınskımen kezdesti.
Qazaqstandyq sportshy birinshi partııada 6:4 esebimen basymdylyq kórsetti. Ekinshi sette de qarsylasyna múmkindik qaldyrǵan joq - 6:2.
Báseke bir saǵatqa sozyldy.
A.Býblık jartylaı fınalǵa shyǵý úshin Frantsııa eliniń ókili, álemniń 222-raketkasy, ózinen bir jas úlken Maksım Janvemen talasady.
Eske sala keteıik, budan buryn Qazaqstannyń birinshi, álemniń 39-raketkasy Mıhaıl Kýkýshkınniń jaraqatyna baılanysty Dýbaı týrnırinde oınaýdan bas tartqanyn, al Zarına Dııastyń Indıan-Ýellstegi chellendjer jarysyn sátti bastaǵanyn jazǵan bolatynbyz.
Z.Dııas osy týrnırdiń 8-raketkasy, reıtıngte ózinen on saty joǵary turǵan tájirıbeli estonııalyq tennısshi Kaııa Kanepımen shırek fınal joldamasyn sarapqa salady.
