Tennıs: Býblık Dýbaı týrnıriniń ekinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 47-raketkasy Aleksandr Býblık Dýbaı ATP týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi alǵashqy kezdesýin álemniń 30-raketkasy, Polsha ókili Hýbert Gýrkachpen ótkizdi.
A.Býblık birinshi partııada 6:2 esebimen basym tússe, ekinshisinde de ústemdik kórsetti – 7:5.
Bul qos qarsylastyń ózara birinshi oıyny edi.
Báseke 1 saǵat 16 mınýtqa sozyldy.
A.Býblık júlde qory 2,8 mln AQSh dollaryna baǵalanǵan jarystyń ekinshi aınalymynda álemniń altynshy, osy dodanyń 2-raketkasy, grekııalyq Stefanos Tsıtsıpas nemese reıtıngte 27-satydaǵy ıspanııalyq Pablo Karreno-Býstanyń bireýimen sheberlik baıqasady.
Eske sala keteıik, budan buryn ıÝlııa Pýtıntsevanyń Doha týrnıriniń ekinshi aınalymyna shyqqanyn, Elena Rybakınanyń da jeńispen bastaǵanyn jazǵan bolatynbyz.
