Tennıs: Býblık Tsıntsınnatı masters týrnıriniń ekinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 38-raketkasy Aleksandr Býblık Tsıntsınnatı ATP masters týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi bastapqy kezdesýin álemniń 66-raketkasy, amerıkalyq Markos Hıronmen ótkizdi.
Birinshi partııada kort ıesi 6:3 esebimen basymdylyq kórsetti. Ekinshi sette A.Býblık dál sondaı eseppen ese qaıyrdy.
Úshinshi, sheshýshi partııada oıyn taǵdyry taı-breıkte sheshildi. Munda qazaqstandyq sportshy birinshi matchbolyn múlt jibergen joq – 7:6 (7:5).
Tartysty ótip, 2 saǵat 6 mınýtqa sozylǵan match barysynda Býblık 21 eıs jasap, 5 breık-poınttyń ekeýin paıdalandy.
Amerıkalyq tennısshi 12 eıske qol jetkizip, 10 breık- poınttyń ekeýin óz esebine jazdy.
A.Býblık ekinshi aınalymda álemniń 21-raketkasy, bolgarııalyq Grıgor Dımıtrovpen kúsh synasady. Ol alǵashqy aınalymda álemniń 16-raketkasy, ıspanııalyq Roberto Baýtısta-Agýtty 6:3, 6:4 esebimen tize búktirdi.
Júlde qory 3 mln AQSh dollarynan asatyn Tsıntsınnatı jarysy 22 tamyzda aıaqtalady.
Eske sala keteıik, budan buryn ıÝlııa Pýtıntsevanyń Tsıntsınnatı týrnırin jeńispen bastaǵanyn jazǵan bolatynbyz.
