Tennıs: Býblık Býdapesht týrnıriniń fınalyna shyqty
ASTANA. QazAqparat - Vengrııa astanasy Býdapeshte ótip jatqan chellendjer týrnıriniń jartylaı fınalynda qazaqstandyq Aleksandr Býblık slovakııalyq Fılıp Horanskımen kezdesti, dep habarlaıdy QazAqparat tilshisi.
Dúnıejúzilik reıtıngte 21 jastaǵy A.Býblık 172-orynda tursa, onyń qarsylasy, 1993 jylǵy F.Horanskı 219-satyda edi.
Birinshi partııada qos tennısshi bastapqyda tepe-teń óner kórsetkenimen, kóp uzamaı oıyn tizginin A.Býblık óz qolyna aldy. Sóıtip ol bul sette 6:3 esebimen qarsylasynan basym tústi.
Ekinshi partııada birden qos breık jasaǵan qazaqstandyq sportshy 4:0 esebimen alǵa ketti. Aqyry qarsylasyn bet qaratpaı utty - 6:0.
Báseke bir saǵatqa jýyq ýaqytqa sozyldy.
A.Býblık fınalda álemdik reıtıngte 283-oryndaǵy ıtalııalyq, bıyl 30 jasqa tolatyn Roberto Markoramen bas júldeni sarapqa salady.
Eske sala keteıik, budan buryn A.Býblıktiń Býdapesht týrnıriniń jartylaı fınalyna shyqqanyn jazǵan bolatynbyz.
Jalpy, 9 aqpan Qazaqstan úshin sátti kún boldy. Astanada márege jetken Federatsııa kýbogy úshin irikteý kezeńinde Qazaqstan - Qytaı matchyn Zarına Dııas tamasha bastady. Sodan keıin ıÝlııa Pýtıntseva ese jiberip, esep teńeskenimen, Galına Voskoboeva men Anna Danılına juptyq synda utyp, Qazaqstan quramasy ekinshi Álemdik toptyń pleı-off kezeńine joldama aldy.
