Tennıs: Býblık Avstralııa chempıonatynyń negizgi týrnırine óte almady
ASTANA. QazAqparat - Qazaqstandyq Aleksandr Býblık Avstralııa ashyq chempıonatynyń negizgi týrnırine óte almady, dep habarlaıdy «QazAqparat» tilshisi.
Dúnıejúzilik reıtıngte 115-inshi orynda turǵan A.Býblık irikteý saıysyndaǵy birinshi kezdesýinde álemniń 202-inshi raketkasy, portýgalııalyq Gonsalý Olıveırany 6:3, 1:6, 6:3 esebimen tize búktirse, búgin Barbados eliniń ókili Derıan Kıngpen sheberlik baıqasty.
Reıtıngte 179-ynshy satyda turǵanymen, D.Kıng ońaı shaǵylatyn jańǵaq emestigin kórsetti. Birinshi partııada 5:3 esebimen alda turǵan qazaqstandyq tennısshi ózi dop bergende, jeńetin múmkindigin paıdalana almady. Budan keıin esesin jibermegen Kıng 7:5 esebimen jeńiske jetti.
Ekinshi partııada birden breık jasaǵan barbadostyq tennısshi 2:0 esebimen alǵa shyqty. Sosyn taǵy bir breık jasap, esepti 4:0-ge jetkizdi. Budan keıin de Býblık esh qaırat kórsetpeı, 0:6 esebimen utylyp qaldy.
Іrikteý týrnıriniń fınalynda D.Kıng álemniń 140-ynshy raketkasy, shvetsııalyq Elıas Imermen kezdesedi.
Aıta keteıik, 15 qańtarda bastalatyn Avstralııa ashyq chempıonatyna Qazaqstannan áıelder arasynda dúnıejúzilik reıtıngte sáıkesinshe 50-inshi jáne 60-ynshy orynda turǵan ıÝlııa Pýtıntseva men Zarına Dııas, erlerden álemniń 68-inshi raketkasy Mıhaıl Kýkýshkın qatysady.
