Tennıs: Býblık Aýstrııadaǵy týrnırdiń ekinshi aınalymyna shyǵa almady
NUR-SULTAN. QazAqparat – Qazaqstannyń birinshi, álemniń 54-raketkasy Aleksandr Býblık Aýstrııadaǵy Kıtsbıýel ATP týrnıriniń ekinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 118-orynda turǵan, jarysqa irikteý saıystarynan keıin qosylǵan germanııalyq ıAnnık Hanfmanmen kezdesti.
A.Býblık 1 saǵat 13 mınýtqa sozylǵan básekede 5:7, 2:6 esebimen jeńilis tapty. Budan buryn ol AQSh-tyń ashyq chempıonatynda da bastapqy kezdesýinde-aq jeńilip qalǵan bolatyn.
ıA.Hanfmann júlde qory 400 myń AQSh dollarynan asatyn dodanyń shırek fınalyna shyǵý úshin álemniń 24-inshi, osy týrnırdiń 4-raketkasy, serbııalyq Dýshan Laıovıchpen talasady.
Kıtsbıýel týrnıri 13 qyrkúıekte márege jetedi.
Taǵy bir qazaqstandyq, reıtıngte 165-satydaǵy Dmıtrıı Popko Chehııadaǵy Prosteev chellendjer jarysynda baq synaýda. Ol birinshi aınalymda álemniń 149-raketkasy, germanııalyq ıAnnık Madendi 3:6, 6:4, 6:1 esebimen utty. D.Popko búgin álemniń 87-raketkasy, ıtalııalyq Stefano Travalıany jeńe alsa, shırek fınalǵa shyǵady.
Eske sala keteıik, budan buryn Zarına Dııastyń Ystanbul týrnırinde jeńilip qalǵanyn jazǵan bolatynbyz.
