Tennıs: Býblık alǵash ret Ýımbldon týrnıriniń ekinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 38-raketkasy Aleksandr Býblık Ýımbldon týrnıriniń ekinshi aınalymyna shyqty, dep habarlaıdy QazAqparat tilshisi.
A.Býblık bastapqy matchyn dúnıejúzilik reıtıngte 105-orynda turǵan otandasy Mıhaıl Kýkýshkınmen ótkizdi.
Qarsylastar buǵan deıin ózara eki márte kezdesip, bir-birden jeńiske jetken edi.
Bul joly A.Býblık 6:4, 6:2, 6:1 esebimen basym tústi.
Báseke 1 saǵat 20 mınýtqa sozyldy.
Match barysynda Býblık 16 eıs jasap, 8 breık-poınttyń altaýyn paıdalandy. Kýkýshkınniń enshisinde 5 eıs bolǵanymen, bir de bir ret breık jasaǵan joq.
Buǵan deıin Ýımbldon dodasynda eki ret óner kórsetken Býblık alǵashqy aınalymnan asa almaǵan edi. Endi sol kórsetkishin jaqsartty.
A.Býblık úshinshi aınalymǵa ótý úshin álemniń 21-inshi, osy jarystyń 18-raketkasy, bolgarııalyq Grıgor Dımıtrovpen talasady. Ol reıtıngte 106-satydaǵy ıspanııalyq Fernando Verdaskony 3:6, 6:3, 6:4, 6:4 esebimen utty.
Eske sala keteıik, budan buryn qazaqstandyq tennısshiniń Ýımbldon jastar týrnıriniń irikteý saıysynda baq synaıtynyn, Zarına Dııastyń jeńilip qalǵanyn jazǵan bolatynbyz.
