Tennıs: Aınıtdınova men Qulambaeva Nur-Sultan týrnıriniń ekinshi aınalymyna shyqty
NUR-SULTAN. QazAqparat – Qazaqstandyqtar Gózal Aınıtdınova men Jibek Qulambaeva Nur-Sultanda Prezıdent kýbogy úshin ótip jatqan ITF týrnıriniń ekinshi aınalymyna shyqty, dep habarlaıdy QazAqparat tilshisi.
Álemdik reıtıngte 522-orynda turǵan G.Aınıtdınova bastapqy kezdesýin osy týrnırdiń 8-inshi, álemniń 261-raketkasy, reseılik Anastasııa Gasanovamen ótkizdi.
Asa tartysty ótken matchta Gózal 7:6 (13:11), 7:5 esebimen jeńiske jetti.
Báseke 2 saǵat 31 mınýtqa sozyldy.
G.Aınıtdınova ekinshi aınalymda reıtıngte 448-oryndaǵy germanııalyq Vıvıan Haızenmen sheberlik baıqasady.
Jibek Qulambaevanyń taǵy bir reseılik, álemniń 376-raketkasy Ekaterına ıAshınamen kezdesýi de tartysty boldy.
Eki saǵatqa sozylǵan matchta Jibek 1:6, 7:6 (8:6), 6:1 esebimen basym tústi.
Endi J.Qulambaeva osy týrnırdiń birinshi raketkasy bolyp tirkelgen, reıtıngte 104-oryndaǵy chehııalyq Marııa Boýzkovamen sheberlik baıqasady.
M.Boýzkova búgin taǵy bir qazaqstandyq Anna Danılınany 7:5, 6:2 esebimen utty. Al Ekaterına Dmıtrıchenko reseılik Anastasııa Zaharovaǵa 3:6, 2:6 esebimen jol berdi. Darıa Detkovskaıa serbııalyq Natalııa Kostıchten (1:6, 2:6) asa almady.
Osylaısha áıelder arasynda jekeleı synda Qazaqstannan G.Aınıtdınova men J.Qulambaeva ǵana qaldy.
Eske sala keteıik, budan buryn Aleksandr Býblıktiń Nıýport dodasyn sátti bastaǵanyn, AleksandrNedovesovtiń Nur-Sultan jarysynyń úshinshi aınalymyna shyqqanyn jazǵan bolatynbyz.
