Tennıs: Aınıtdınova men Qulambaeva Mysyrdaǵy týrnırdiń jeńimpazy atandy
NUR-SULTAN. QazAqparat – Qazaqstandyqtar Gózal Aınıtdınova men Jibek Qulambaeva juptyq synda Mysyrdaǵy ITF týrnırinde jeńimpaz atandy, dep habarlaıdy QazAqparat tilshisi.
Sharm ál-Sheıh qalasynda ótken jarystyń fınalynda qazaqstandyq juptar G.Aınıtdınova men J.Qulambaeva jáne Ekaterına Dmıtrıchenko men Kámıla Kerimbaeva ózara kezdesip, bas júldeni sarapqa saldy.
Qazaqstandyqtar fınalǵa deıin úsh match ótkizip, bárinde de jeńiske jetti. Sonyń ishinde jartylaı fınalda E.Dmıtrıchenko men K.Kerimbaeva serbııalyq Barbara Bonıch
pen ulybrıtanııalyq Emılı Lındti 6:3, 5:7, 10:8 esebimen utty. Al G.Aınıtdınova men J.Qulambaeva reseılikter
Darıa Kýdashova men Noel Saıdenovadan 6:4, 6:7 (4:7), 10:6 esebimen basym tústi.
Fınaldyq báseke de tartysty ótip, úsh setke sozyldy.
Aldymen G.Aınıtdınova men J.Qulambaeva alǵa shyqty – 6:1. Ekinshisinde E.Dmıtrıchenko men K.Kerimbaeva ese qaıyrdy – 6:2. Sodan keıin Gózal men Jibek jeńisti julyp
aldy – 12:10.
Eske sala keteıik, budan buryn Qazaqstanda tennısten alǵash ret álemdik týrnır ótetinin jazǵan bolatynbyz.
