Tennıs: áıelder arasynda Aýstralııa chempıonatynyń jeńimpazy anyqtaldy
ORAL. QazAqparat – Amerıkalyq Sofıa Kenın Aýstralııa ashyq chempıonatynyń jeńimpazy atandy, dep habarlaıdy QazAqparat tilshisi.
S.Kenın fınalda ıspanııalyq Garbıne Mýgýrýsamen kúsh synasty.
Úsh setke sozylǵan tartysty matchta 21 jastaǵy tennısshi qarsylasyn 4:6, 6:2, 6:2 esebimen utty.
Buǵan deıin eki márte «Úlken dýlyǵa» týrnıriniń jeńimpazy atanǵan G.Mýgýrýsa osy joly fınalmen shekteldi.
S.Kenın Máskeýde dúnıege kelgen. Bala kezinde ata-anasymen birge AQSh-qa qonys aýdarǵan.
Bul – onyń «Úlken dýlyǵa» týrnırlerindegi alǵashqy jeńisi. Qazirgi kezde 15-orynda turǵan S.Kenın dúısenbide jańartylatyn reıtıngte álemniń 7-raketkasy atanady.
Amerıkalyq tennısshi – Aýstralııa chempıonatynyń 2008 jyldan bergi eń jas chempıony. 2008 jyly reseılik Marııa Sharapova Melbýrnde 20 jasynda úzdik shyqqan edi. Ótken jyly 21 jastaǵy japonııalyq Naomı Osaka jeńimpaz atandy, alaıda onyń S.Kenınnen bir aıǵa derlik úlkendigi bar.
Erler arasynda jekeleı synda álemniń 2-raketkasy, serbııalyq Novak Djokovıch pen reıtıngte 5-orynda turǵan aýstrııalyq Domınık Tım jeksenbi kúni bas júldeni sarapqa salady. N.Djokovıch buǵan deıin Aýstralııa chempıonatyn jeti ret utsa, D.Tım aýstrııalyq tennısshiler arasynda fınalǵa alǵash ret shyǵyp otyr. Eger ol chempıon atansa, reıtıngte úshinshi orynǵa kóteriledi.
Bıylǵy Aýstralııa birinshiligi qazaqstandyq tennısshiler úshin tabyssyz bolǵan joq. Qazaqstan tarıhynda tuńǵysh ret úsh birdeı tennısshi qyzymyz Elena Rybakına, ıÝlııa Pýtıntseva, Zarına Dııas úshinshi aınalymǵa ótse, Mıhaıl Kýkýshkın men Aleksandr Býblık juptyq synda jartylaı fınalǵa deıin jetti.
Dúısenbide Qazaqstannyń birinshi raketkasy E.Rybakına reıtıngte 25-orynǵa shyǵady. Bul onyń ózi úshin rekordtyq nátıje bolmaq jáne ıAroslava Shvedovanyń 2012 jylǵy úzdik kórsetkishin qaıtalaıdy.
Eske sala keteıik, budan buryn qazaqstandyqtardy utqan tennısshilerdiń fınalǵa shyǵa almaǵanyn jazǵan bolatynbyz.
