Tennıs: Avstralııa ashyq chempıonatynda Z.Dııas pen ıA.Shvedova alǵashqy qarsylastaryn utsa, ózara kezdesedi
ASTANA. QazAqparat - Melbýrn qalasynda tennısten bıylǵy «úlken dýlyǵa» týrnıriniń birinshisi - Avstralııa ashyq chempıonatynyń jerebesi tastaldy.
Chempıonat.kom saıtynan alynǵan málimetke qaraǵanda, Qazaqstannyń birinshi, álemniń 52-inshi raketkasy Zarına Dııasqa osal qarsylas túsken joq. Ol ózinen eki jas kishi bolsa da, osy týrnırdiń 15-inshi raketkasy bolyp tirkelgen amerıkandyq Medıson Kıspen sheberlik baıqasady. Al álemniń 71-inshi raketkasy ıAroslava Shvedova óziniń qurdasy, 28 jasar bolgarııalyq Tsvetana Pıronkovamen kortqa shyǵady. Eger qazaqstandyq tennısshiler qarsylastaryn utsa, ekinshi aınalymda ózara kezdesedi. Taǵy bir qazaqstandyq, reıtıngte 78-inshi satyda turǵan ıÝlııa Pýtıntseva kezinde álemniń birinshi raketkasy bolǵan, osy jarysta 16-ynshy bolyp tirkelgen danııalyq Karolına Voznıatskımen kúsh synasady.
Erler arasyndaǵy básekede Qazaqstannyń birinshi, álemniń 63-inshi raketkasy Mıhaıl Kýkýshkın osy týrnırde 32-inshi bolyp tirkelgen portýgalııalyq Joaý Soýzamen kezdesedi. Oǵan qosa irikteý saıystarynan ótse, taǵy bir qazaqstandyq Aleksandr Nedovesov ta negizgi týrnırde óner kórsetedi.
Aıta keteıik, ótken jylǵy Avstralııa birinshiliginde Qazaqstannyń basty úmiti Zarına Dııas polıak qyzy Ýrsýla Radvanska men slovakııalyq Anna Shmıdlovany utyp, úshinshi aınalymda atyshýly reseılik Marııa Sharapovaǵa ese jibergen bolatyn.
