TENNIS: Avstralııa ashyq chempıonatynda Z.Dııas M.Sharapovamen kezdesýi múmkin
ASTANA. QazAqparat - Búgin tennısten úlken dýlyǵanyń biri bolyp esepteletin Avstralııa ashyq chempıonatynyń jerebesi tartyldy.
Chempıonat.kom saıtynan alynǵan málimetke qaraǵanda, 19 qańtar kúni bastalatyn álem birinshiligimen teń aıtýly dodada Qazaqstannyń birinshi, álemniń 31-inshi raketkasy Zarına Dııas birinshi aınalymda irikteý saıysy jeńimpazdarynyń birimen kortqa shyǵady. Bul qarsylasyn utqan jaǵdaıda slovakııalyq Anna Shmıdlovamen nemese ońtústikafrıkalyq Shanel Sheperspen kezdesedi. Al úshinshi aınalymǵa shyqsa, álemniń eń azýly tennısshileriniń biri, qazir dúnıejúzilik reıtıngte ekinshi orynda turǵan reseılik Marııa Sharapovamen sheberlik baıqasýy ábden yqtımal.
Z.Dııastyń ózi de ótken jyly osyndaı myqty tennısshimen kezdesýdi armandaıtynyn aıtqan bolatyn. 2014 jyly Avstralııa birinshiliginde úshinshi aınalymǵa deıin jetken Zarınanyń jolyn qazir álemniń úshinshi raketkasy, rýmynııalyq Sımona Halep kesken edi.
Qazaqstannyń ekinshi raketkasy ıAroslava Shvedovanyń birinshi aınalymdaǵy qarsylasy da myqty, ol álemniń 16-ynshy raketkasy, chehııalyq Lıýsı Shafarjovamen synǵa túsedi.
Erler arasyndaǵy básekede Qazaqstannyń birinshi raketkasy, qazir Sıdneı týrnırinde sátti óner kórsetip jatqan Mıhaıl Kýkýshkın birinshi aınalymda týnıs tennısshisi Málik Jazırıdiń shamasyn baıqap kórmek. Al Andreı Golýbev fın ıArkko Nıemınendi jeńýge tyrysady. Bul ekeýi de onsha kúshti emes, qazaqstandyqtar ótýge bolatyn qarsylastar.
Aıta keteıik, atalmysh týrnırdiń júlde qory - 14,398 mln. AQSh dollary. Sondyqtan tennısshiler onda tabysty oınasa, reıtıngte alǵa jyljýǵa jáne qarjylyq qoryn molaıtýǵa múmkindik alady.
