Tennıs: Avstralııa ashyq chempıonatynda Qazaqstannan eki-aq tennısshi kelesi aınalymǵa ótti

Qazaqstannyń birinshi, osy týrnırdiń 31-inshi raketkasy ıÝlııa Pýtıntseva alǵashqy aınalymda ıspanııalyq Lara Arrýabarrenany eki saǵat 47 mınýtqa sozylǵan básekede 7:6 (9:7), 7:6 (12:10) esebimen utty. Matchtyń asa tartysty bolǵany sondaı, eki partııa da taı-breıkpen aıaqtaldy. Al erler arasyndaǵy Qazaqstannyń birinshi raketkasy Mıhaıl Kýkýshkın úmitti aqtaı almady. Ol negizgi týrnırge irikteý saıystarynan keıin qosylǵan amerıkalyq Frensıs Tıafoǵa 1:6, 7:6, 3:6, 2:6 esebimen ese jiberdi. Esesine Qazaqstan azamattyǵyn ótken jyly ǵana alǵan burynǵy reseılik, álemdik reıtıngte 207-inshi satyda turǵan 19 jasar Aleksandr Býblık erledi. Ol irikteý jarysynda jeńimpaz atanyp qana qoımaı, Avstralııa chempıonatyndaǵy betashar básekesinde osy týrnırdiń 16-ynshy raketkasy, frantsııalyq Lıýka Pýıdy bir saǵat 43 mınýtta 6:0, 3:6, 6:3, 6:4 esebimen tize búktirdi.

Áıelder arasyndaǵy jekeleı synda álemniń 39-ynshy raketkasy ıAroslava Shvedova osy týrnırdiń 27-inshi raketkasy, rýmynııalyq Irına Begýge 7:5, 3:6, 4:6 esebimen jol berse, taǵy bir qazaqstandyq Galına Voskoboeva Ýkraınanyń jaryq juldyzy, Avstralııa birinshiliginde 11-inshi bolyp tirkelgen Elına Svıtolınaǵa jóndi qarsylyq kórsete almady (0:6, 2:6).

Sonymen, ekinshi aınalymǵa ótken ıÝlııa Pýtıntsevanyń kelesi qarsylasy - latvııalyq Elena Ostapenko. Ol birinshi kezdesýinde qytaılyq Chjý Lındi 6:4, 6:0 esebimen ońaı utty. Eger baby men baǵy kelisse, ıÝlııa ózinen eki jas kishi, reıtıngisi de tómendeý bul tennısshini de uta alady. Degenmen álemniń 4-inshi raketkasy, rýmynııalyq Sımona Haleptiń alǵashqy aınalymnan asa almaı qalǵanyn, basqa da myqtylardyń kútpegen kedergilerge tap bolyp, qınalysqa túskenin eskersek, aldyn ala joramal aıtý qıyn. Qazirdiń ózinde sporttyq jolynda úzdik nátıjege  qol jetkizip otyrǵan Aleksandr Býblık ekinshi aınalymda Týnıs eliniń 33 jastaǵy tájirıbeli ókili Malık Jazırımen kúsh synasady. www.championat.com saıtynan alynǵan málimetke qaraǵanda, A.Býblık 18 qańtarda, ıÝ.Pýtıntseva 19 qańtar kúni eleń-alańda kortqa shyǵady.