Tennıs: Avstralııa ashyq chempıonatynda qazaq qyzy Zarına Dııas tuńǵysh ret ekinshi aınalymǵa ótti
ORAL. 14 qańtar. QazAqparat - Búgin Avstralııanyń ashyq chempıonatynda qazaqstandyq Zarına Dııas birinshi aınalymda chehııalyq Katerına Sınıakovamen kezdesip, ony eki partııada (6:2, 6:4) utty.
Sóıtip qazirgi kezde álemdik reıtıngte 163-orynda turǵan Zarına qazaq qyzdarynan alǵash ret álemdegi «úlken dýlyǵanyń» biri - Avstralııa ashyq birinshiliginiń ekinshi aınalymyna ótti. Onda ol rýmynııalyq Sorana Kyrstıa nemese jańazelandııalyq Marına Erakovıchtiń bireýimen kezdesedi. Olardyń ekeýi de - K.Sınıakovaǵa qaraǵanda, áldeqaıda tisqaqqan tennısshiler, reıtıng boıynsha da joǵaryda tur. Qazirdiń ózinde osy tabysymen-aq Z.Dııas óz reıtıngisin kóteretini anyq.
