Tennıs: Avstralııa ashyq chempıonatynda Aleksandr Býblık úshinshi aınalymǵa óte almady
ASTANA. QazAqparat - Melbýrn qalasynda tennısten ótip jatqan Avstralııa ashyq chempıonatynyń ekinshi aınalymynda qazaqstandyq Aleksandr Býblık týnıs oıynshysy Malık Jazırımen kortqa shyqty, dep habarlaıdy «QazAqparat» HAA tilshisi.
www.championat.com saıtynan alynǵan málimetke qaraǵanda, 19 jasar A.Býblık óziniń tájirıbeli qarsylasy, 33 jastaǵy M.Jazırıden aılasyn asyra almady. Sóıtip 2:6, 3:6, 5:7 esebimen jeńilis tapty. Degenmen qazaqstandyq jas tennısshiniń irikteý saıystarynan ótip, Avstralııa ashyq chempıonatynyń ekinshi aınalymyna deıin jetýiniń ózi jaqsy tabys deýge bolady. Qazir ol álemdik satyda 207-inshi orynda tursa, bul birinshilikten keıin reıtıngisi kóterileri anyq.
Eske sala keteıik, sonymen Avstralııa týrnırinde jekeleı synda Qazaqstannan ıÝlııa Pýtıntseva ǵana qaldy. Ol 19 qańtar kúni tańerteń latvııalyq Elena Ostapenkomen kúsh synasady.
