Tennıs: Avstralııa ashyq chempıonatyna qatysatyn qazaqstandyq tennısshilerdiń qarsylastary belgili boldy
ASTANA. QazAqparat - Melbýrn qalasynda 16-29 qańtar aralyǵynda tennısten ótetin Avstralııa ashyq chempıonatyna qatysatyn qazaqstandyq tennısshilerdiń qarsylastary belgili boldy, dep habarlaıdy «QazAqparat» HAA tilshisi.
championat.com saıtynan alynǵan málimetke qaraǵanda, erler arasyndaǵy básekede Qazaqstannyń birinshi raketkasy Mıhaıl Kýkýshkın alǵashqy aınalymda osy týrnırdiń irikteý saıystarynan ótken tennısshilerdiń biri, amerıkalyq Frensıs Tıafomen kortqa shyǵady. Burynǵy reseılik, ótken jyly ǵana Qazaqstan azamattyǵyn alǵan 19 jasar Aleksandr Býblık te negizgi jarysqa irikteý oıyndary arqyly ótti. Ol osy týrnırdiń 16-ynshy raketkasy, Frantsııa eliniń 1994 jylǵy ókili Lıýka Pýımen kúsh synasady. Demek, qarsylasy áldeqaıda myqty.
Áıelder arasynda synda Qazaqstannyń birinshi, Avstralııa chempıonatynyń 31-raketkasy ıÝlııa Pýtıntseva ıspanııalyq Lara Arrýabarrenamen sheberlik baıqasady. ıÝlııa Laradan buryn bir ret jeńilgenimen, osy joly qarymta qaıtarýyna múmkindigi bar. Taǵy bir qazaqstandyq ıAroslava Shvedovaǵa qıyndaý tıedi. Ol týrnırdiń 27-inshi raketkasy, rýmynııalyq Irına Begýmen kezdesedi. Buryn esep 1:1 bolǵandyqtan, Melbýrnda qaı jeńgeni alǵa shyǵady. Al Galına Voskoboeva týrnırdiń 11-inshi raketkasy, ýkraınalyq Elına Svıtolınamen betpe-bet keledi. Buryn Galına qarsylasyn eki ret utyp, bir márte jeńilgenimen, qazir ýkraınalyq tennısshi naǵyz der shaǵynda.
Aıta keteıik, Avstralııa ashyq chempıonaty - álem birinshiligimen teń sanalatyn tórt «Úlken dýlyǵa» týrnıriniń alǵashqysy. Oǵan qatysýdyń ózi úlken mártebe bolyp esepteledi. Ár jeńis reıtıngtik upaı qoryn molaıtýmen birge qarjylaı jaǵynan da paıdaly. ıAǵnı erler de, áıelder de 36,1 mln. astam AQSh dollarynan turatyn júlde qoryn bóliske salady.
