Tennıs: Aýstralııa ashyq chempıonaty keıinge qaldyrylmaıdy
NUR-SULTAN. QazAqparat – Aýstralııa ashyq chempıonaty keıinge qaldyrylmaıdy, 8 aqpan kúni bastalady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, «Úlken dýlyǵa» týrnıriniń jerebe tartý rásimi bastapqyda kózdelgen beısenbi emes, erteń, juma kúni ótedi.
Tennis Australia basshysy ári Australian Open dırektory Kreıg Tılı tennısshiler toqtaǵan Melbýrn qonaqúıi kúzetshileriniń birinen koronavırýs tabylǵannan keıin qandaı is-sharalar qabyldanatynyn áńgimelep berdi.
Kovıdke 500-den astam adam test tapsyrady, sonyń ishinde 160 tennısshi bar. Nátıjesi kóp uzamaı belgili bolady. Uıymdastyrýshylar juqtyrý deńgeıi óte tómen bolady dep esepteıdi.
Kúzetshiden indet tabylýyna baılanysty Melbýrnda ótip jatqan ATP jáne WTA týrnırlerinde beısenbige belgilengen matchtar keıinge qaldyryldy.
WTA jarystary 5 aqpan kúni jańa sıpatta jalǵasatyn bolady. ıAǵnı tennısshiler tolyq eki setti ótkizedi. Úshinshisi qajet bolǵan jaǵdaıda taı-breık túrinde 10 upaıǵa deıin sozylady.
ATP jáne ATP Cup dodalary dástúrli túrde jalǵasady.
Aýstralııa ashyq chempıonatynda Qazaqstannan jeti tennısshi baq synaıdy. Áıelder arasynda Elena Rybakına, ıÝlııa Pýtıntseva, Zarına Dııas jáne ıAroslava Shvedova, erlerden Aleksandr Býblık pen Mıhaıl Kýkýshkın oınaıdy. Oǵan qosa A.Býblık Andreı Golýbevpen birge juptyq synda óner kórsetedi.
Eske sala keteıik, budan buryn ıÝlııa Pýtıntsevanyń Melbýrn týrnırin sátti bastaǵanyn, Aleksandr Býblıktiń úshinshi aınalymǵa ótkenin jazǵan bolatynbyz.
