Tennıs: ATP jańadan qosqan jarystyń biri Nur-Sultan qalasynda ótedi
NUR-SULTAN. QazAqparat – Kásibı tennısshiler qaýymdastyǵy (ATP) jańartylǵan týrnırler tizimine tórt jańa jarysty qosty, dep habarlaıdy QazAqparat tilshisi.
ATP baspasóz qyzmeti málim etkenindeı, sonyń ekeýi Keln (Germanııa), bir-birden Sardınııa (Italııa) men Nur-Sultan qalalarynda ótedi. Astanadaǵy jarys 26 qazanǵa belgilenip otyr.
Keln men elordadaǵy jarystar hard, al Italııadaǵy doda topyraq tósenishinde bolady.
Sonymen, 2020 jylǵy jańartylǵan týrnırler kúntizbesi mynadaı:
14 qyrkúıek – Rım.
21 qyrkúıek – Gambýrg.
27 qyrkúıek – «Rolan Garros».
12 qazan – Sankt-Peterbýrg, Sardınııa, Keln.
19 qazan – Kreml kýbogy, Antverpen, Keln.
26 qazan – Vena, Nur-Sultan.
2 qarasha – Parıj.
8 qarasha – Sofııa.
15 qarasha – Londonda ATP-nyń qorytyndy chempıonaty.
Sonymen qatar áıelder tennısi qaýymdastyǵy (WTA) kúntizbege jańadan Ostrava (Chehııa) týrnırin qosty. Hard tósenishinde ótetin bul jarys 19 qazanda bastalady. Júlde qory – 528 500 AQSh dollary.
Jańa jarystardyń qosylýy tennıs kókjıegin keńeıtip qana qoımaı, bıyl koronavırýs indetine baılanysty amalsyzdan úzilis alǵan tennısshilerdiń reıtıngilik upaı jınap, kóbirek tabys tabýyna múmkindik beredi.
Eske sala keteıik, budan buryn A.Býblıktiń Aýstrııadaǵy týrnırdiń ekinshi aınalymyna shyǵa almaǵanyn jazǵan bolatynbyz.
