TENNIS: Ataqty tennısshi Lı Nanyń týǵan qalasy Ýhandaǵy músinine vandaldar zaqym keltirdi
ASTANA. QazAqparat - Vandaldar Ýhan qalasynda ornatylǵan «Úlken dýlyǵa» serııasy týrnırleriniń eki dúrkin jeńimpazy Lı Nanyń músinin zaqymdady.
Bul týraly jergilikti BAQ habarlady. Sársenbi kúni tańerteń ınternette 32 jastaǵy Lı Na osy jylǵy qazanda Qytaıda ótetin týrnırden keıin óz mansabyn aıaqtaıdy degen habarlama paıda bolǵan edi.
Buǵan sebep bolǵan AQSh Ashyq chempıonatyndaǵy onyń matchy týraly málimet bolǵan, CBS tilshisi Merı Karılo sportshynyń tennısten ketýge ázirlenip jatqanyn aıtqan. Alaıda keıinnen tennısshiniń agenti bul aqparatty joqqa shyǵardy.
Lı Na Frantsııa-2011, Avstralııa-2014 ashyq chempıonatynyń jeńimpazy. Tennısten áıelder qaýymdastyǵynyń (WTA) 11 týrnırinde jeńiske jetken. Qazir qytaılyq sportshy WTA álemdik reıtınginde úshinshi orynda.
