Tennıs: Astana Open týrnırine kimderdiń qatysatyny belgili boldy
NUR-SULTAN. QazAqparat – 19-26 qyrkúıek aralyǵynda elordada ótetin Astana Open ATP 250 týrnırine qatysýshylardyń aldyn ala tizimi jarııa etildi, dep habarlaıdy QazAqparat tilshisi.
Qazaqstan tennıs federatsııasynyń baspasóz qyzmeti málim etkenindeı, atalmysh jarysta reıtıngileri joǵary, belgili oıynshylar baq synamaqshy.
Atap aıtqanda, álemniń 19-raketkasy, chılılik Krıstıan Garın, reıtıngte 24-satydaǵy reseılik Aslan Karatsev, sondaı-aq serbııalyqtar Fılıpp Kraınovıch pen Dýshan Laıovıch, ótken jylǵy Astana Open chempıony, aýstralııalyq Djon Mılman, frantsııalyq Benýa Per, ıtalııalyq Lorentso Mýzettı, amerıkalyq Makkenzı Makdonald jáne basqalar elordaǵa kelmekshi.
Qazaqstannan álemniń 37-raketkasy Aleksandr Býblıkten basqa Mıhaıl Kýkýshkın, Andreı Golýbev, Aleksandr Nedovesovterge qosa jas tennısshiler óner kórsetedi.
Eske sala keteıik, budan buryn elordada Astana Open halyqaralyq týrnıri ótetinin, qazaqstandyq tennısshilerdiń álemdik reıtıngide joǵary kóterilgenin, sondaı-aq Zarına Dııastyń Chıkagoda jeńilip qalǵanyn jazǵan bolatynbyz.
