Tennıs: Argentınamen oınaıtyn Qazaqstan áıelder quramasy anyqtaldy
NUR-SULTAN. QazAqparat – Bıllı Djın Kıng kýbogynyń pleı-off kezeńinde Argentınamen oınaıtyn Qazaqstan áıelder quramasy anyqtaldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, básekeler Kordova (Argentına) qalasynda Cordoba Lawn Tennis Club topyraq tósenishi korttarynda 16-17 sáýir kúnderi ótedi.
Qazaqstan quramasyna myna oıynshylar endi.
1. Elena Rybakına (álemniń 23-raketkasy);
2. ıÝlııa Pýtıntseva (31-raketka);
3. Zarına Dııas (88-raketka);
4. Anna Danılına (290-raketka);
5. ıAroslava Shvedova (738) – ıAroslavanyń dekrettik demalysy kezindegi reıtıngisi esepke alyndy.
«El quramasy reıtıng pen tennısshilerdiń sońǵy kórsetkishterine sáıkes jasaqtaldy. Jekeleı synda Rybakına, Pýtıntseva jáne Dııas Qazaqstan namysyn qorǵaıdy. Juptyq synda menimen birge Anna Danılına kortqa shyqpaqshy. Biraq juptyq synda dál kimniń oınaıtyny jekeleı básekelerdiń nátıjesine jáne tennısshilerdiń densaýlyǵy men jaı-kúıine baılanysty bolmaq», dedi Qazaqstan áıelder quramasynyń kapıtany ıA.Shvedova.
Argentına – Qazaqstan matchynyń oıyn kestesi men qarsylas komanda quramy keıin jarııalanady.
Eske sala keteıik, budan buryn ıÝ.Pýtıntsevanyń Charlston týrnırinde Z.Dııaspen ózara kezdesetinin jazǵan bolatynbyz.
