Tennıs: Anna Danılına juptyq synda Doha týrnırin jeńispen bastady
NUR-SULTAN. QazAqparat – Qazaqstandyq Anna Danılına juptyq synda Doha WTA 1000 týrnırin jeńispen bastady, dep habarlaıdy QazAqparat tilshisi.
Jalpy júlde qory 2,6 mln AQSh dollarynan asatyn jarystyń 8-raketkalary bolyp tirkelgen A.Danılına brazılııalyq Beatrıs Haddad Maııamen birge alǵashqy aınalymda ulybrıtanııalyq Samanta Marreı – nıderlandylyq Bıbıana Shoofspen kezdesti.
Qazaqstandyq-brazılııalyq jup 6:0, 6:4 esebimen jeńiske jetti.
Bir saǵatqa jýyq ýaqytqa sozylǵan báseke barysynda Beatrıs pen Anna 2 eıs jasap, 6 breık-poıntty túgel paıdalandy. Qarsylastary 2 eıs, 2 breıkten (6 breık-poınt) asa alǵan joq.
Qazaqstandyq-brazılııalyq juptyń ekinshi aınalymdaǵy qarsylastary keıin anyqtalady.
Qazaqstannyń birinshi, álemniń 20-raketkasy Elena Rybakına jekeleı synda dúnıejúzilik reıtıngte 71-orynda turǵan rýmynııalyq Jaklın Adına Krıstıannan 4:6, 3:6 esebimen jeńilip qaldy.
Eske sala keteıik, budan buryn ıÝlııa Pýtıntsevanyń Dohada álemniń burynǵy birinshi raketkasyna jol bergenin, Aleksandr Býblıktiń álemdegi úzdik 30 tennısshiniń qataryna kirgenin jazǵan bolatynbyz.
