Tennıs: Anna Danılına juptyq synda álemdik reıtıngide 24-orynǵa kóterildi
NUR-SULTAN. QazAqparat – Qazaqstandyq Anna Danılına áıelder tennısi qaýymdastyǵy (WTA) jarııalaǵan álemdik reıtıngide rekordtyq nátıjege qol jetkizdi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, A.Danılına buǵan deıin juptyq synda 25-orynda tursa, endi 24-satyǵa kóterildi.
Bul onyń úzdik kórsetkishi bolyp tabylady. Sondaı-aq Elena Rybakına men Jibek Qulambaeva juptyq synda sáıkesinshe 50-inshi jáne 308-satyǵa joǵarylady.
Jekeleı synda Qazaqstannyń birinshi raketkasy E.Rybakına burynǵysynsha 12-orynda keledi. ıÝlııa Pýtıntseva 42-den 41-ge, Zarına Dııas 118-den 117-ge joǵarylady.
E.Rybakına osy aptada bastalǵan Sankt-Peterbýrg WTA 500 týrnırinde 3-raketka bolyp tirkelgen. Ol bastapqy kezdesýin dúnıejúzilik reıtıngte 81-satydaǵy reseılik Varvara Grachevamen ótkizedi.
Erler arasynda Qazaqstannyń birinshi, álemniń 31-raketkasy Aleksandr Býblık Rotterdam (Nıderlandy) ATP 500 jarysynda baq synaıdy. Ol alǵashqy aınalymda álemniń burynǵy birinshi raketkasy, qazir reıtıngte 95-orynda turǵan ataqty ulybrıtanııalyq Endı Marreımen kúsh synasady.
Eger E.Rybakına men A.Býblık osy aıtýly dodalardy sátti ótkizse, reıtıngide joǵarylaıtyny anyq.
Taǵy bir qazaqstandyq, reıtıngte 165-oryndaǵy Mıhaıl Kýkýshkın Sherbýr (Frantsııa) chellendjer týrnırin sátti bastady. Ol alǵashqy qarsylasy, álemniń 113-inshi, osy jarystyń 3-raketkasy, chehııalyq Tomash Mahachty 6:3, 6:2 esebimen utty.
Eske sala keteıik, budan buryn Aleksandr Býblıktiń Monpele týrnırinde álemniń úshinshi raketkasyn jeńip, jeńimpaz atanǵanyn, onyń álemdik reıtıngide rekordtyq nátıjege qol jetkizgenin jazǵan bolatynbyz.
