Tennıs: Anna Danılına Qytaıdaǵy týrnırde utylyp qaldy
NUR-SULTAN. QazAqparat – Qazaqstandyq Anna Danılına Qytaıdaǵy Nanchan WTA týrnıriniń ekinshi aınalymyna óte almady, dep habarlaıdy QazAqparat tilshisi.
Júlde qory 250 myń AQSh dollaryna baǵalanǵan jarystyń birinshi aınalymynda Anna Danılına qytaılyq Fanchjoý Lıýmen kezdesti.
Qazaqstandyq tennısshi osyǵan deıin reıtıngte 355-satyda bolsa, qarsylasy 250-orynda edi. Ekeýi de 1995 jyly dúnıege kelgen.
F.Lıý negizgi týrnırge arnaıy shaqyrtý alsa, A.Danılına irikteý saıystarynyń jeńimpazy retinde qosylǵan edi.
Іrikteý saıystarynda Anna aldymen reıtıngte 733-orynda turǵan qytaılyq Shanshan Gýony 7:5, 2:6, 6:4 esebimen tize búktirdi. Al fınalda irikteý saıystarynyń 6-raketkasy bolyp tirkelgen, reıtıngte 286-oryndaǵy Polsha eliniń ókili Ýrsýla Radvanskany 5:7, 6:2, 6:3 esebimen utty.
Birinshi partııada breık jasaı bilgen qytaılyq sportshy 6:3 esebimen jeńiske jetti.
Ekinshi sette A.Danılına 6:2 esebimen ese qaıyrdy.
Úshinshi, sheshýshi partııada esep 5:4 bolyp, qarsylasy dop bergen mezette qazaqstandyq tennısshi qos birdeı matchbolyn paıdalana almady. Sodan keıin qytaılyq breık jasap, kezdesýdi jeńispen túıindedi – 7:5.
Tartysty match 2 saǵat 7 mınýtqa sozyldy.
F.Lıý ekinshi aınalymda osy týrnırdiń úshinshi, álemniń 53-raketkasy, Polsha eliniń ókili Magda Lınetpen sheberlik baıqasady.
Taǵy bir qazaqstandyq, álemniń 69-raketkasy Elena Rybakına osy týrnırde erteń úndistandyq Ankıta Raınamen kortqa shyǵady.
Eske sala keteıik, budan buryn Zarına Dııastyń Hırosıma týrnırin jeńispen bastaǵanyn, ıÝlııa Pýtıntsevanyń álemniń 3-raketkasymen kezdesetinin jazǵan bolatynbyz.
