Tennıs: Anna Danılına Frantsııada ótken týrnırdiń jeńimpazy atandy
NUR-SULTAN. QazAqparat - Qazaqstandyq Anna Danılına juptyq synda Frantsııada ótken ITF W 25 týrnıriniń jeńimpazy atandy, dep habarlaıdy QazAqparat tilshisi.
Qazaqstantennıs federatsııasy málim etkenindeı,.Danılına ýkraınalyq Valerııa Strahovamen birge fınalda jarystyń 3-raketkalary, frantsııalyqtar Odrı Albı - Lıoleıa Janjanmen kezdesti.
Birinshi partııada taı-breıkte kort ıeleri ústemdik tanytty - 7:6 (9:7).
Ekinshi sette eki breık jasaǵan qazaqstandyq-ýkraınalyq jup basymdylyq kórsetti - 6:2.
Sýper taı-breıkte Danılına men Strahova jeńisti julyp aldy - 10:4.
Osylaısha qazaqstandyq tennısshi juptyq synda bıylǵy jetinshi tıtýlyna qol jetkizdi.
A.Danılına jekeleı synda da jarysty jalǵastyrýda. Ol búgin fınalǵa shyǵý úshin frantsııalyq Alısa Robbemen talasady.
Eske sala keteıik, budan buryn Aleksandr Nedovesovtiń juptyq synda Kıev týrnıriniń fınalyna shyqqanyn jazǵan bolatynbyz.
