Tennıs: Anna Danılına Charlston týrnırin jeńispen bastady
NUR-SULTAN. QazAqparat – Qazaqstannyń juptyq syndaǵy birinshi raketkasy Anna Danılına Charlston (AQSh) WTA 500 týrnırin jeńispen bastap, iri dodanyń shırek fınalyna shyqty, dep habarlaıdy QazAqparat tilshisi.
Álemniń juptyq syndaǵy 21-raketkasy A.Danılına Belarýs ókili Aleksandra Sasnovıchpen birge alǵashqy aınalymda slovakııalyq Tereza Mıhalıkova – chehııalyq Kveta Peshkemen oınady.
Qazaqstandyq-belorýssııalyq jup 6:3, 6:3 esebimen jeńiske jetti.
Anna men Aleksandra 1 saǵattan astam ýaqytqa sozylǵan match barysynda 2 eıs jasap, 10 breık-poınttyń teń jartysyn óz esepterine jazdy. Qarsylastary 2 breıkten asa alǵan joq.
A.Danılına men A.Sasnovıch jartylaı fınalǵa shyǵý úshin jarystyń 1-raketkalary, amerıkalyq Karolın Dolhaıd – qytaılyq Chjan Shýaımen talasady.
Eske sala keteıik, budan buryn Qazaqstan jasóspirimder quramasynyń Aýstralııaǵa jol bergenin, Aleksandr Nedovesovtiń Marokkodaǵy týrnırdiń jartylaı fınalyna shyqqanyn jazǵan bolatynbyz.
Sondaı-aq Andreı Golýbev Marokkodaǵy týrnırdiń jartylaı fınalynda.
Qazaqstandyq tennısshi Meksıkadaǵy týrnırdiń jartylaı fınalyna shyqty.
