Tennıs: Andreı Golýbev juptyq synda Sankt-Peterbýrg týrnıriniń shırek fınalyna shyqty
NUR-SULTAN. QazAqparat – Qazaqstandyq Andreı Golýbev juptyq synda Sankt-Peterbýrg ATP 250 týrnıriniń shırek fınalyna shyqty, dep habarlaıdy QazAqparat tilshisi.
Jarystyń 4-raketkasy bolyp tirkelgen A.Golýbev monakolyq Hıýgo Nıspen birge bastapqy kezdesýin taǵy bir qazaqstandyq Aleksandr Býblık – Belarýs ókili Ilıa Ivashkamen ótkizdi.
Qazaqstandyq-monakolyq jup bir saǵatqa jetpegen matchta 6:3, 6:1 esebimen jeńiske jetti. Olar báseke barysynda 3 eıs jasap, 6 breık-poınttyń tórteýin paıdalandy. Qarsylastary 1 eısten asa almady.
A.Golýbev pen H.Nıstiń shırek fınaldaǵy qarsylastary keıin anyqtalady.
Eske sala keteıik, budan buryn Zarına Dııastyń álemdik reıtıngte úzdik júzdikke qaıta oralǵanyn, Aleksandr Býblıktiń Sankt-Peterbýrg týrnırin jeńispen bastaǵanyn jazǵan bolatynbyz.
Sondaı-aq Devıs kýbogy fınalyna qatysatyn Qazaqstan quramasy anyqtaldy.
